Жаңаөзенде медицина қызметкерлері жалақының төмендігіне байланысты президентке үндеу жасады.

«Лада» басылымының мәліметінше, Жаңаөзендегі жедел жәрдем станцияларының бірінің қызметкерлері президент Қасым-Жомарт Тоқаевқа бейнеүндеу жасап, төмен жалақы мәселесін шешіп беруін сұрады.

Наразы жұрт орташа жалақыны 350 мың теңге көлеміне дейін көтеруді сұрап отыр.

«Егер жалақы мәселесі 15 тамызға дейін шешілмесе, біз жұмысты тоқтатуға мәжбүрміз»,-делінген бейнеүндеуде.