Алматы полициясы жерлеу үшін бағаны көтерген көр қазушылар ұстады деп хабарлайды ІІД баспасөз қызметі. Полицияға зират қызметкерлеріне шағымданып 8 адам ресми өтініш білдірген . Өтініш білдірушілердің айтуы бойынша, олардың жерлеу қызметі үшін қосымша ақы төлеуді талап етіп, белгіленген бағадан басқа 70-тен 80 мың теңгеге дейін ақы төлеуді талап еткен.

ҚР Президенті Қ.Қ. Тоқаевтың, сондай-ақ ішкі істер министрлігі басшылығының тапсырмаларын орындау үшін қайтыс болған адамдарды жерлеу қызметі үшін белгіленген сомадан басқа, қаза болғандардың туыстарынан қосымша қаражат алатын адамдардың заңсыз іс-әрекетінің жолын кесу үшін арнайы тергеу-жедел топтары құрылды.
Жақын адамдардың жоғалуынан қайғы-қасірет көріп отырған жәбірленушілерге материалдық ғана емес, моральдық залал келтірілген. Полиция қызметкерлері екі азаматты анықтап, ұстады.
«Қазіргі уақытта жәбірленушілер мен күдікті адамдардың қатысуымен қажетті тергеу іс-шаралары жүргізілуде, олар аяқталғаннан кейін әрбір кінәлі адамның іс-әрекеттеріне жеке құқықтық баға берілетін болады.
Сонымен қатар, жерлеу кезінде заңсыз ақша алу жолын кесу мақсатында басқа да жерлеу орындары тексеріледі» деп хабарлайды құзырлы орган.