Харбинде өтетін IX қысқы Азия ойындарында ең көп үміт күттірер спорттың бірі – шорт-трек. Себебі, ұлттық құрамадағы Денис Никиша 2024 жылғы Әлем чемпионатында тарихи күміс жүлдеге ие болды.

Абзал Әжіғалиев 2022 жылы Бейжің қысқы Олимпиадасында жүлдеге бір ғана саты жетпей, 4-орынға тұрақтаған еді. Ал аруларымыз өткен жылы World Tour сериясының кезеңінде алғаш рет эстафета сайысында қола медаль жеңіп алды.

Жасөспірімдер арасындағы әлем чемпионатының күміс жүлдегері – Алина Ажгалиевадан да үміт күтеміз.

Чемпиондыққа басты қарсыластарымыз – Қытай мен Оңтүстік Корея болмақ.

Қысқы Азия ойындарында бұған дейін жеңіп алған жүлделеріміз:

2017 жыл. Эстафета. 3 000 метр

Ким Йонг А, Анастасия Крестова, Мадина Жанбосынова, Анита Нагай

2011 жыл. Эстафета. 5 000 метр

Айдар Бекжанов, Артур Сұлтанғалиев, Нұрберген Жұмағазиев, Абзал Әжғалиев

Эстафета. 3 000 метр

Инна Симонова, Ксения Мотова, Дарья Волокитина, Анна Самарина.