Теңге қолдың суретінен құтылмайтын болды.
Теңге қолдың суретінен құтылмайтын болды

Ұлттық Банк банкноттарды, оның ішінде 2006 жылғы үлгідегі банкноттарды айырбастаудың мерзімсіз кезеңін енгізу туралы шешім қабылдады.

Ұлттық Банк айналымдағы қызметі тоқтаған 2006 жылғы үлгідегі банкноттарды айырбастау үшін шексіз мерзім белгілеу туралы сұрақтарға жауап берді.

  1. Ұлттық Банк айналымдағы қызметі тоқтаған 2006 жылғы үлгідегі банкноттарды айырбастау үшін шексіз мерзім белгілеуді жоспарлап отыр ма?

Азаматтардан келіп түскен өтініштер мен Парламент депутаттарының сауалдарын, сондай-ақ, халықаралық тәжірибені (АҚШ, Англия, Германия, Дания, Австралия, Швейцария, Норвегия орталық банктері) назарға ала отырып, Ұлттық Банк банкноттарды, оның ішінде 2006 жылғы үлгідегі банкноттарды айырбастаудың мерзімсіз кезеңін енгізу туралы шешім қабылдады. Мұндай тәжірибені енгізу жұмыстары өткен жылдың соңында басталды.

Жаңа дизайндағы банкноттарды шығару кезінде 12 ай ішінде (ескі дизайндағы банкноттарды жоспарлы түрде алу және жаңа дизайн үшін кассалық техниканы теңшеу үшін) қатар айналыс кезеңін белгілеу де ұсынылады.

Көрсетілген мерзімнен кейін екінші деңгейдегі банктер үшін ескі үлгідегі ақша белгілерін жаңа үлгідегі ақша белгілеріне айырбастау кезеңі 3 жыл ішінде, ал ҚРҰБ филиалдары үшін мерзімсіз кезең белгіленсін.

Банкноттарды мерзімсіз айырбастау бойынша қосымша ақпарат Ұлттық Банктің актілеріне тиісті өзгерістер енгізілген соң Ұлттық Банктің ресми сайтында және бұқаралық ақпарат құралдарында орналастырылады.

  1. Азаматтар банкноттарды қолданыстағы ақша белгілеріне айырбастау үшін қайда баруы керек?

Ел азаматтары банкноттарды Ұлттық Банктің актілеріне тиісті өзгерістер енгізілген соң Ұлттық Банктің филиалдарында ұлттық валютаның қолданыстағы ақша белгілеріне айырбастай алады.

Банкноттардың айырбасталуын жаңарту жөніндегі ақпарат Ұлттық Банктің ресми сайтында және бұқаралық ақпарат құралдарында жарияланады.

  1. Ұлттық Банк не себептен қандай да бір банкноттарды айналымнан алу туралы шешім қабылдайды?

Ұлттық Банктің негізгі міндеттерінің бірі – ұлттық валютаның ақша белгілерін қолдан жасаудан қорғау болып табылады. Технологиялық прогрестің үдей түсуіне орай халыққа ажырату қиынға түсетін жалған ақша белгілерінің пайда болу ықтималдығы артады.

Осыған байланысты Ұлттық Банк ұлттық валютаның ақша белгілерінің қорғаныш қасиеттерін күшейту жұмысын жүргізеді және қолдан жасаудан барынша қорғалған банкноттарды шығарады.

  1. Қандай да бір банкноттың айналымнан шығуы туралы хабарлама жариялау қалай жүргізіледі?

«Ұлттық Банк туралы» ҚР Заңына сәйкес, Қазақстан Республикасының ұлттық валютасының банкноттары мен монеталарын айналымға шығару, ауыстыру және айналымнан алып тастау тәртібін Қазақстан Ұлттық Банкі қабылдайды және ол туралы бұқаралық ақпарат құралдарында жарияланады.

БӨЛІСУ:
  • twitter
  • telegramm
  • facebok
  • vk
Соңғы мақалалар.