06-05-21 | 09:46
Тоқаев Садыр Жапаровқа жеделхат жолдады.
Тоқаев Садыр Жапаровқа жеделхат жолдады

Мемлекет басшысы Қасым-Жомарт Тоқаев Қырғыз Республикасының жаңа Конституциясының қабылдануына орай ел президенті Садыр Жапаровқа құттықтау жеделхатын жолдады, деп жазды Ақорда.

Тоқаев Қазақстан Қырғызстанның стратегиялық серіктесі әрі одақтасы ретінде бауырлас қырғыз халқына алдағы уақытта да жан-жақты қолдау көрсете беруге дайын екенін жеткізді.

«Бүкіл халық қолдаған Ата заң – Қырғызстанның ұзақмерзімді даму стратегиясының берік негізін қалайтын, ел егемендігінің қорғаны болатын және қоғамды біріктіретін басты құжат. Сіздің бастамаларыңыз бен реформаларыңыздың сәтті жүзеге асуы қырғыз мемлекеттілігін нығайтуға, халықтың әл-ауқатын арттыруға және елдің халықаралық аренадағы беделін көтеруге септігін тигізеді», – делінген жеделхатта.

Сөз соңында президент қырғыз халқының игілігі мен өсіп-өркендеуі жолындағы Садыр Жапаровтың жауапты қызметіне толағай табыс тіледі.

БӨЛІСУ:
  • twitter
  • telegramm
  • facebok
  • vk