30-03-20 | 19:58
Тоқаевтың айтқаны уақытында орындалды.
Тоқаевтың айтқаны уақытында орындалды

Коронавируспен күндіз-түні күресіп жатқан дәрігерлер қаржылай қолдаудың жаңа пакеті енгізілетінін президент Тоқаев кеше 29 наурызда жария етіп, дүйсенбі шешім қабылданатынын айтқан еді.

Тоқаевтың айтқанын Мамин үкіметі уақытында іске асырды. 30 наурызда өткен төтенше жағдай жөніндегі мемлекеттік комиссия дәрігерлерге жасалатын үстеме ақының нақты нақты мөлшері мен санатын белгіледі.

Сөйтіп, мемлекеттік комиссия эпидемияға қарсы іс-шараларға тартылған медицина қызметкерлерінің еңбекақысына ай сайынғы бекітілген үстеме ақы белгілеу туралы шешімді бекітті.

Төлемдер коронавирусты жұқтыру қаупі бар үш топ бойынша 3 айдың ішінде жүргізіледі:

  1. «Қауіптілігі аса жоғары» — реанимация бөлімшелерін қоса алғанда, инфекциялық стационарлардың дәрігерлері, орта және кіші медицина қызметкерлері. Үстеме ақы 20 ең төменгі жалақыны құрайды (Жалақының ең төменгi мөлшерi (ЖТМ), 850 мың теңге). 
  2. «Қауіптілігі жоғары» – провизорлық стационарлар мен жедел жәрдем дәрігерлері, орта және кіші медицина қызметкерлері. Үстеме ақы 10 ЖТМ (425 мың теңге) құрайды.
  3. «Қауіптілігі орташа» – карантиндік стационарлардағы дәрігерлер, орта және кіші медицина қызметкерлері, санитарлық дәрігерлер (мемлекеттік қызметкерлер), жедел жәрдем жүргізушілері және т. б. Үстеме ақы 5 ЖТМ (212,5 мың теңге) құрайды. 
БӨЛІСУ:
  • twitter
  • telegramm
  • facebok
  • vk