Ауылшаруашылығы вице-министрі Арман Евниев Қарағанды облысы, Баршын ауылында браконьерлердің шабуылынан қаза тапқан қорықшы Ерлан Нұрғалиевті жерлеу рәсімінен кейін журналисттерге берген түсініктемесінде: «Ішкі істер министрлігінің ақпараты бойынша, бүгінгі күні қылмысқа қатысы бар төрт адам анықталып, ұсталды. Петр Ницыкты оларды тануға шақырып жатыр» деген деп жазады total.kz.

Алайда, ішкі істер министрлігінің ресми өкілі Алмас Садубаев бұл ақпаратты растамаған. Бұған дейін ішкі істер министрі Қалмұханбет Қасымов қорықшыларға шабуыл жасаған күдіктілер анықталғанын бірақ әлі ұсталмағанын айтқан еді.