«Заңсыз жолмен табылған қаржы мүлік арқылы ізін жоғалтады»: Депутаттар шенеуніктердің үйіне күдікпен қарады.
«Заңсыз жолмен табылған қаржы мүлік арқылы ізін жоғалтады»: Депутаттар шенеуніктердің үйіне күдікпен қарады

Қазақстанда лауазымды қызметкерлер мен олардың отбасы мүшелерінің қаржылық операциялары ғана емес, сатып алған үйлерін де тексеру туралы ұсыныс жасалды. Депутаттар 50 миллион теңгеден асырып мүлік алғандарды тексеруді заңдастыруды көтерді.

 

Осындай өзгеріс енгізілген заң жобасын Мәжіліс қарап жатыр. Бұған дейінгі заңда 200 милллионның үйін алғандар ғана қосымша тексерілген екен. Енді ол сома төрт есе төмендетіліп отыр. Өйткені заңсыз жолмен табылған қаржы көбіне осы жылжымайтын мүлік арқылы ізін жоғалтады екен. Ал лауазымды қызметкерлер санатына мемлекеттіктен бастап, квазисектордағы басшылардың бәрі жатады. Олардан бөлек, басшылардың әйелі, балалары 50 миллионның үйін алған жағдайда ақшаның заңды жолмен келгенін дәлелдеуі тиіс. Бұл туралы КТК арнасы хабарлады. 

Жалпыға бірдей декларациялаудың бірінші кезеңінің нәтижесінде 500-ге тарта лауазымды қызметкердің 58 елдің банктерінде шоты бары анықталған.

Қалталы шенеуніктердің көбі ақшасын Ресей, АҚШ пен Швейцария банктерінде сақтайды екен.  

“Ақшамен және басқа мүлікпен жасалатын операциялар бойынша мониторинг жүргізілетін адамдар тізімін Президент бекітеді. Қаржылық мониторинг агенттігі бұл адамдардың, олардың отбасы мүшелерінің және жақын туыстарының жеке тізімін жасайды. Яғни еліміздің шенеуніктері мен олардың туыстары қаржылық мониторинг субъектілерінен тиісті қызметтерді алғаннан кейін, сонымен қатар шетелдік мемлекеттік қызметкерлерге қосымша тексеруден өтеді.

Мұндай тізімге мемлекет және үкімет басшылары, Үкіметтің аға қызметкерлері, сот және әскери қызметкерлер, көрнекті саяси қайраткерлер, сондай-ақ мемлекеттік корпорациялардың басшылары енгізілген. Арасында саяси партиялардың қоғамдық тұлғалары да бар”, – дейді мәжіліс депутаты Сергей Симонов. 

Ал олардың жақын туыстарының қатарына «Неке және отбасы туралы» кодекске сәйкес, ата-ана, бала, аға-іні, апа-сіңлі, ата, әже, немере кіреді.

БӨЛІСУ:
  • twitter
  • telegramm
  • facebok
  • vk
Соңғы мақалалар.
МІНБЕР.