АҚШ Конгресінің Өкілдер палатасының мүшесі Джо Уилсон Х әлеуметтік желісіндегі парақшасында алдағы уақытта Әзербайжан мен Армения арасында бейбіт келісім жасалатынын мәлімдеді.
Ол бұл үдерісте АҚШ президенті Дональд Трамптың рөлі ерекше екенін айтып, былай деп жазды:
"Дональд Трамптай бітімгер президент тарихта болмаған."
Уилсонның айтуынша, Трамп өзінің президенттік кезеңінде бірқатар елдер арасындағы шиеленістерді бәсеңдетуге ықпал еткен. Ол мысал ретінде келесідей мемлекеттерді атады:
Конго мен Руанда
Тайланд пен Камбоджа
Пәкістан мен Үндістан
Және жақын арада – Әзербайжан мен Армения
"Ол Нобель бейбітшілік сыйлығына лайық!" – деп түйіндеді америкалық саясаткер.
