Белгілі тележүргізуші Владимир Соловьевке жасалмақ болған қастандықта күдіктілер оны пицца арқылы улауды жоспарлаған. 26 қараша күні Батыс 2-ші округтік әскери сот бұл резонансты істі қарауды жалғастырды, деп хабарлайды Arasha.kz.
Газета.Ru жазуынша, сот отырысы барысында айыпталушылардың бірі Андрей Пронскийдің пәтерінде жасалған аудиожазба тыңдатылды. Онда ер адам сыбайластарымен бірге мынадай әрекеттерді жоспарлағанын егжей-тегжейлі баяндайды:
- Соловьевтің пиццаға берген тапсырысын жеткізу қосымшасы арқылы бақылау;
- тапсырысты жолда ұстап, ішіне у қосу;
- балама нұсқа ретінде журналистің көлігінің рөліне және салондағы басқа бөліктеріне улы зат жағу.
Алайда көлікке у жағу тәсілі сенімсіз деп танылып, айыпталушылар одан да радикалды әдіске – журналистің көлігін қолдан жасалған жарылғыш құрылғы арқылы жарып жіберуге басымдық берген.
Андрей Пронский тергеу кезінде аудиожазбаның қолдан жасалғанын, оның шынайы оқиғаларға қатысы жоқ екенін мәлімдеді. Ал екінші айыпталушы Владимир Беляков тележүргізушіге деген саяси өшпенділігін мойындады. Ол Соловьевтің көлігін өртемек болғанын айтқанымен, өзін журналисті өлтіруді жоспарламадым деп ақтаған.
