Венесуэла астанасы Каракаста жарылыстардың болғаны туралы хабар тарады. АҚШ-тың қазіргі президенті Дональд Трамп Венесуэла аумағындағы нысандарға, соның ішінде әскери объектілерге соққы жасау жөнінде бұйрық берген. Бұл туралы америкалық ресми тұлғалар серіктес телеарна – CBS News-ке мәлімдеген.
Бұған дейін Каракаста бірнеше жарылыстың дауысы естілгені хабарланған еді.
Венесуэлада төтенше жағдай режимі енгізілді. Бұл жөнінде ел басшысы Николас Мадуро мәлімдеді.
Ел үкіметінің хабарламасында:
"Венесуэла қазіргі Америка Құрама Штаттары үкіметінің Венесуэла аумағына қарсы жасаған аса ауыр әскери агрессиясын қабылдамайды, айыптайды және бұл туралы халықаралық қауымдастыққа мәлімдейді", – делінген.
Оқиғаға байланысты жағдай дамып жатыр, ресми деректер нақтылануда.
