Атырау облысы, Қызылқоға ауданы, Жангелдин ауылындағы бүкіл елді дүр сілкіндірген жағдайға байланысты тағы бір тосын дерек тарап жатыр, деп хабарлайды Arasha.kz.
Аймақтағы мәселені зерттеуге барған журналист Жанат Молдашова Instagram желісіндегі ресми парақшасында жаңа видео жариялады.
"Мына жағдайды түсінбей отырмын. Дүйсенбі күні полиция департаментінің бастығы сұхбат берген кезде "күйеу бала мен қыз Шымкенттегі Қапланбек бекеті арқылы Өзбекстанға өтіп кеткен" деген еді. Ал кеше туыстарымен сұхбаттасып тұрған кезде оларға "Ақтау арқылы ұшып кеткен" деп айтқан. "Қыз бен күйеу бала сол жердегі бейне камераларға түсіп қалған. Көрдік. Бізде ақпараттар бар" депті. Енді бұл қалай? Кеден бекеті арқылы Өзбекстанға өтті ме? Ақтау арқылы шетелге ұшты ма? Қалай болып кетті? Осыны түсіне алмай отырмыз. Полиция департаменті осыған байланысты ресми ақпарат беретін болар", – деді Жанат Молдашова.
