Мәжіліс депутаты Асхат Аймағамбетов психологиялық көмек көрсету саласын реттеуге бағытталған жаңа заң жобасы әзірленгенін мәлімдеді, деп хабарлайды Arasha.kz.
Депутаттың айтуынша, заң жобасының басты мақсаты – азаматтарды өзін психолог ретінде таныстыратын, алайда тиісті білімі мен кәсіби дайындығы жоқ псевдоспециалистерден қорғау.
"Психологиялық көмек саласына тәртіп орнататын заң дайындадық. Бұл салада міндетті білім, тіркеу және бірыңғай реестр енгізіледі. Негізгі мақсат– адамдарды псевдоспециалистерден қорғау", – деп жазды депутат.
