Алматы қаласының полиция департаменті киім тігу жұмыстарына 1 млрд теңге жұмсауды жоспарлап отыр, деп хабарлайды Arasha.kz сайты ҚазТАГ агенттігіне сілтеме жасап.
Мемлекеттік сатып алу порталында жарияланған лот сипаттамасында: «Тапсырыс беруші – Қазақстан Республикасы Ішкі істер министрлігінің Алматы қаласы Полиция департаменті» мемлекеттік мекемесі; атауы – киім тігу жұмыстары; саны – 1; өлшем бірлігі – дана; ерекше тәртіпті қолдана отырып сатып алуға арналған болжамды сома – 1 000 000 000 теңге», – делінген.
Бір қызығы, конкурсқа қатысуға өтінім қабылдау небәрі бір күнге ғана созылған. Атап айтқанда, өтінімдер 29 мамыр күні қабылданған.
Лот сипаттамасында қазіргі мәртебесі «өтінімдерді қарау» кезеңінде екені көрсетілген.
