Батыс Қазақстанда жол апатынан екі полиция қызметкері көз жұмды, деп хабарлайды Arasha.kz.
Облыстық полиция департаментінің мәліметінше қайғылы оқиға 3 шілдеде болған.
«Қызметтік міндетін атқару барысында Тасқала аудандық полиция бөлімінің екі қызметкері көз жұмды. Аталған жол апаты бойынша сотқа дейінгі тергеу басталды», – деп хабарлады ведомство.
Оқиғаның барлық мән-жайын анықтауға бағытталған қажетті тергеу және жедел іздестіру шаралары жүргізіліп жатыр.
