Иран АҚШ-тың Иордания аумағында орналасқан Муваффак Салти әскери әуе базасына зымыранмен соққы жасады, деп хабарлайды Arasha.kz, iz.ru-ға сілтеме қалдыра отырып.
Иранның Press TV телеарнасының мәліметінше, шабуыл АҚШ-тың Иран аумағына жасаған соққыларына жауап ретінде жүзеге асырылған.
Сонымен қатар Fars агенттігі Ислам революциясы сақшылар корпусының Әуе-ғарыш күштері Бахрейндегі Шейх-Иса әскери әуе базасындағы нысандарға да соққы бергенін хабарлады.
Ал бұған дейін АҚШ Орталық қолбасшылығы (CENTCOM) америкалық әскердің Иран аумағына жаңа соққылар жасағанын мәлімдеген болатын. Ресми ақпаратқа сәйкес, операцияны жүргізу туралы бұйрықты АҚШ президенті әрі Қарулы күштердің бас қолбасшысы Дональд Трамп берген.
Ақ үйдің мәлімдеуінше, бұл шабуылдардың мақсаты - «Иран күштерін жауапкершілікке тарту».
