Ақмола облысында жол апатынан екі адам көз жұмып, 7-еуі жарақат алды, деп хабарлайды Arasha.kz.
Желіде оқиға орнынан видеолар тарады. Жол апаты 10 тамызда Астана–Петропавл автожолында болған. Mercedes-Benz Sprinter және ГАЗ-53 көліктері соқтығысқан.
Салдарынан Mercedes-Benz Sprinter көлігінің екі жолаушысы алған жарақаттарынан көз жұмды.
Осы көліктегі тағы алты жолаушы мен ГАЗ-53 көлігінің бір жолаушысы түрлі дене жарақаттарымен медициналық мекемеге жеткізілді.
Тергеу жүргізіліп жатыр.
