Ақмола облысында аңшылық кезінде болған оқыс оқиғадан 64 жастағы ер адам көз жұмды, деп хабарлайды Arasha.kz.
Өңірлік полиция департаментінің алдын ала мәліметінше, оқиға 6 қыркүйекте Зеренді ауданының аумағында болған. Аңшылық кезінде Көкшетау тұрғынына тиесілі мылтықтан абайсызда оқ атылып, 64 жастағы ер адам жарақат алған.
"Оқ тиюі салдарынан 64 жастағы ер адам дене жарақатын алды. Ол оқиға орнында көз жұмды", – деп хабарлады полиция.
Аталған дерек бойынша қылмыстық іс қозғалды. Қазіргі уақытта сотқа дейінгі тергеу амалдары жүргізіліп жатыр.
Қару иесі ұсталып, уақытша ұстау изоляторына қамалған. Оқиғаның нақты мән-жайы тергеу барысында анықталады.
