Контентке өту
Қазақстан Тәуелсіздігіне 25 жыл
Жаңалықтар Қоғам Саясат Аймақтар Спорт Мәдениет Әлем Денсаулық Ғылым Тарих Экономика Қаржы
Жаңалықтар

Дәурен Қосанов Қорғаныс министрі қызметінен босатылды

Дәурен Қосанов Қорғаныс министрі қызметінен босатылды
Фото: gov.kz

Мемлекет басшысының Жарлығымен Дәурен Жұматайұлы Қосанов Қазақстан Республикасының Қорғаныс министрі лауазымынан босатылды, деп хабарлайды Arasha.kz.

Дәурен Қосанов Қорғаныс министрі қызметіне алғаш рет 2025 жылғы 8 маусымда тағайындалған. 2026 жылғы 3 қыркүйекте Мемлекет басшысының Жарлығымен ол осы қызметке қайта тағайындалған еді. 

Қосанов 1969 жылы Павлодар облысында дүниеге келген. Ол Армавир жоғары әскери авиациялық ұшқыштар училищесін, Юрий Гагарин атындағы Әскери-әуе академиясын және Ресей Қарулы күштері Бас штабының әскери академиясын бітірген. Әскери мансабын жойғыш-ұшқыш ретінде бастап, кейін Талдықорған және Шымкент қалаларындағы авиациялық базаларды басқарған.

2022–2024 жылдары Қосанов Қазақстан Қарулы күштері Әуе қорғанысы күштерінің бас қолбасшысы, 2024–2025 жылдары Қорғаныс министрінің орынбасары – Әуе қорғанысы күштерінің бас қолбасшысы қызметтерін атқарды. Оның әскери атағы – авиация генерал-лейтенанты.

Қосановтың қызметтен босатылуы Қорғаныс министрлігіне қатысты бірқатар оқиғадан кейін болып отыр. 26 қыркүйекте Мемлекет басшысының өкімімен Қорғаныс министрлігіндегі істердің жай-күйін, оның ішінде әскери құрылымдарды қаржылық және материалдық-техникалық қамтамасыз ету мәселелерін кешенді тексеру жөніндегі комиссия құрылғаны хабарланған.