Алматы тұрғыны 11 жастағы ұлының аулада жасөспірімдерден жәбір көргенін мәлімдеді, деп хабарлайды Arasha.kz.
Анасының айтуынша, баланы ұрып-соғып, аузы мен құлағына шикі балық тыққан.
Оқиға туралы әйел Threads әлеуметтік желісінде жазған. Оның сөзінше, ұлын қорлағандар — 13–14 жастағы жасөспірімдер. Олар ауладағы басқа балаларға да әлімжеттік көрсеткенін айтқан.
Баланың анасы осы жағдайдан кейін полицияға арыз берген.
