Қазақстанда төтенше жағдай қызметі қайтадан жеке министрлік болып құрылады. Мемлекет басшысы Қасым-Жомарт Тоқаев осыған байланысты Қаулыға қол қойды. Құжатқа сәйкес бұрын Ішкі істер, Индустрия және инфрақұрылымдық даму, Ұлттық экономика министрліктерінің құзыретіне берілген функциялар мен өкілеттіктер төтенше жағдай қызметіне ауысады. Енді ҚР Президенті Әкімшілігімен келісу бойынша жаңа министрлікке қарасты мемлекеттік органдар мен ведомстволық бағынысты ұйымдардың жұмысы қайта ұйымдастырылады.
