Шымкенттің бұрынғы әкімі Ғабидолла Әбдірахымов прьемер-министрдің кеңесшісі болып тағайындалды. Ғ.Әбдірахымов Британияға екі күндік сапармен барған кезінде қымбат қонақ үйдің қасында тұрып елге видеосәлем жолдап қоғамның сынына ұшыраған еді. Арада көп өтпей президент әкімшілігінің жетекшісі Қырымбек Көшербаев Ғ.Әбдірахымовты «мемлекеттік қызметкер ретінде сенім кредиті түгесілді» деп қызметінен босатқан еді. Енді міне, көп уақыт өтпей үкімет басшысының кеңесшісі болып шыға келді. Бұл билік ішіндегі күштердің өзара күресінің билік транзиті тұсында қыза түскенінің бір белгісі.