Испания өрт сөндірушілері 14 қабатты үйден адамдарды құтқаруға барын салып жатыр.

Испанияның Валенсия қаласында көпқабатты тұрғын үй өртке оранды.

Кампанар ауданындағы 14 қабатты үйден шыққан өрт әлі ауыздықталмаған, қызыл жалын көрші ғимаратқа өткен.

Жергілікті ақпарат құралдарының хабарлауынша, өрт сөндірушілер балкондардағы адамдарды құтқаруда, ал басқалары ішінде қалып қойған болуы мүмкін.

Кемінде 14 адам, оның ішінде алты өрт сөндіруші мен кішкентай бала зардап шекті.

20-дан астам өрт сөндіру бригадасы жалынмен күресуде және адамдарды аумақтан алыс болуға шақыруда.

Ғимаратта 138 пәтер бар, онда 450 адам тұрады, деп мәлімдеді ғимарат менеджері.