Кеше Қырғызстанда астанасы – Бішкектегі Қытай елшілігінің алдында митинг болып, жиналғандар Қытай билігінен этникалық қырғыздарды қудалауды тоқтатуға шақырған еді. Бұл оқиғадан бірер күн бұрын Қырғызстан президенті Сооронбай Жээнбеков баспасөз мәслихатын өткізіп, Қытайдағы этникалық қырғыздар мен Қытай-Қырғыз қатынасы туралы да айтқан.

«Этникалық қырғыздар олар өзге елдің азаматтары, сондықтан да тұрып жатқан елдің заңына бағынады. Бұл мәселеде аса сақ болған жөн. Өйткені біз өзге елдің ішкі ісіне араласа алмаймыз. Екі ел арасында стратегиялық келісім бар. Сол келісім аясында дипломатиялық каналдар арқылы жұмыс істеп жатырмыз. Әлде мен де көшеге шығайын ба? Қырғызстанда  қытай азаматы В Кыргызстане осуждены 10 граждан жылға сотталған. Түрмеде отыр. Олар айғайлап жатқан жоқ қой.  Қырғызстан көпұлтты мемлекет. Сондықтан басқа елді сынамас бұрын әуелі өзімізді ойлағанымыз жөн» деген еді Сооронбай Жээнбеков.