«Ақ жол» партиясының төрағасы, мәжіліс депутаты Азат Перуашев Қытайдың Қазақстандағы төтенше және өкілетті елшісі Чжан Сяомен кездесті. Бұл туралы партияның орталық кеңсе хатшысы Арман Сқабылұлы өзінің facebook парақшасында жазады.

Арман Сқабылұлының жазуынша, елші кездесуде орысша сөйлеген. Бұған Азат Перуашев Қазақстандағы мұндай кездесулер аудармашы арқылы болса да қазақ тілінде жүруі керектігін айтқан. Сондай-ақ, ол партияның Қытайдағы этникалық қазақтарға қатысты жолдаған ресми хатына әлі күнге жауап берілмегенін де ескертіпті.