Алматы облысының әкімі Амандық Баталов облыс тұрғындарына видеоүндеу жасады. Үндеуде әкім облыс тұрғындарының арасында Алматыда жұмыс істейтін адамдардың бар екенін айтып, қаланың карантинге жабылуын байланысты жұртты Алматы қаласына баруды қоя тұруға шақырды.

Сондай-ақ әкім азық-түлік қорының жеткілікті екенін, азық-түлік дүкендері жұмыс істеп жатқанын да айтқан.

Коронавирустың таралу қаупін азайту, халық қауіпсіздігін қамтамасыз ету мақсатында 19 наурыздан бастап Алматы және Астана қалалары карантинге жабылғаны мәлім.