Біз
әлеуметтік
желіде
03-04-25 |
250 рет қаралған
Астанада дератизация жұмыстары басталады.
Астанада дератизация жұмыстары басталады

Астанада 2025 жылы кеміргіштермен күрес екі маусымда – көктем мен күзде жүргізіледі. Сәуір айында дератизация жұмыстары басталады. Бұл туралы қала әкімдігі хабарлады.

Санитарлық нормаларға сәйкес 2025 жылы дератизация жұмыстарын екі маусымда (көктем және күз) жүргізу жоспарланып отыр. Жабық станциялар 21 сәуірден 18 мамырға дейін, ал ашық станциялар 20 сәуірден 1 маусымға дейін жұмыс істейді.

Жеке сектор (тұрғын аумақтар) және ашық аумақтар (саябақтар, өзендер, су қоймалары, каналдар, зираттар) өңдеуге жатады.

«Жеке сектор тұрғындарына арнайы уландырғыштар тегін таратылады, ал қауіпсіздік техникасы бойынша түсіндіру жүргізіліп жатыр. Дератизация Қазақстанда қолдануға рұқсат етілген уландырғыштарды пайдалана отырып жүзеге асырылады», — делінген хабарламада.

Мұндай шаралар кеміргіштердің санын азайтып, аса қауіпті жұқпалы аурулардың таралуын болдырмау үшін қажет.

БӨЛІСУ:
Соңғы мақалалар.
МІНБЕР.