Батыс Қазақстан облысында ерекше жағдай қоғам назарын аудартты. «ҚазТрансГаз» учаскесінде жұмыс істеген жүк тиегіш оператор Асқар табиғатты қорғау үшін жұмысынан бас тартты.

Асқар 30 маусым күні траншеяны топырақпен көміп тастау тапсырмасын алған. Бұл траншея газ құбырын тартуға арналған болатын. Алайда ол жұмысты бастаған сәтте ішінде ұя салып, балапан өргізіп отырған бірнеше қарлығаштарды көріп қалады. Ұяларды таптап өтудің орнына, Асқар жұмысты тоқтатуды жөн көреді.

«Мен оларды басып кете алмадым. Бұл — тіршілік иесі. Олар біз секілді өмір сүріп жатыр», — дейді Аскар.

Ол өзінің бұл әрекеті жұмыс берушіге ұнамайтынын түсінсе де, ар-ұжданына қарсы шыға алмағанын айтады. Ақыры ер адам 30 маусымда өз еркімен жұмыстан кету туралы шешім қабылдайды.

Бірақ көп ұзамай оған табиғатты қорғауға деген ұмтылысы жеткіліксіз болғанын сезіну ауыр тиді. Оның айтуынша, өзінің орнына келген басқа жұмысшылар траншеяны жауып тастаған, сол арқылы құс ұялары жойылған.

«Бұл маған үлкен соққы болды. Ұзақ уақыт бойы өзімді кінәлі сезіндім. Ақыры денсаулығым сыр беріп, ауырып қалдым», — дейді ол бізбен сөйлескенде.

Бұл оқиға әлеуметтік желіде қызу талқыланды. Көпшілік Асқардың әрекетін құндылық пен адамгершіліктің үлгісі ретінде қабылдады.