Sensata ірі құрылыс компаниясы бұрынғы ұлттық экономика министрі Қуандық Бишімбаев пен оның серіктестерінің бақылауында екені бүгінгі сотта айтылды.
«Менің білуімше, бұл ғимарат («Гастро-центр») Қуандық пен оның серіктестеріне, сондай-ақ «Sensata» компаниясына тиесілі, мұнда Бақытжан (Байжанов, Бишімбаевтың туысы, «Гастро-центр» директоры) директор, өйткені мен пәтер сатып алғанда Бақытжан аздаған жеңілдік жасады», – деді Айтым Амангелді бүгінгі сотта.
Прокурор сонымен қатар Бишімбаев пен Байжановтың қарым-қатынасын сұрады.
«Мен бұл туралы ештеңе айта алмаймын, тек пәтерге қатысты барлық нұсқауларды Байжанов орындаған, ал Sensata көзқарасы бойынша бәрі Байжанов арқылы өткен», – деді Амангелді.
Ақпаратқа сәйкес, Sensata премиум, бизнес және комфорт класындағы тұрғын үйлерді салуға маманданған.
Естеріңізге сала кетейік, 2023 жылы 9 қараша күні кешке әлеуметтік желіде экс-министр Қуандық Бишімбаевтың әйелі Салтанат Нүкенованы ұрып өлтіргені туралы хабарлама тараған болатын. 2024 жылдың 8 қаңтарында экс-министр Бишімбаевты айуандықпен өлтірді деген айып тағылған қылмыстық іс аяқталды.
