11 қаңтарда таңертең иран мемлекеттік телеарнасы арқылы мәлімдеме жасаған Иран қарулы күштерінің бас штабы Тегеран әуежайы маңындағы украина ұшағын ирандық әскерилердің қателесіп атып түсіргенін мойындап, «бұл адам факторынан болған апат» деп мәлімдеді. Иран билігі кінәлілер жауапқа тартылады деп отыр.

«Украинаның халықаралық әуе желісі» компаниясына тиесілі ұшақ Тегераннан Киевке ұшып шыққан сәтте апатқа ұшырап, борттағы жолаушылар мен экипаж мүшелері түгел қаза болған. Ұшақта Канаданың – 57, Иранның – 82, Ауғанстанның – 4, Германияның – 3, Ұлыбританияның – 3, Украинаның – 11 азаматы болған.