Интернет желісінде жазушы, қоғам қайраткері Шерхан Мұртазаның қазақстандық әйелдерге қатысты айтқан пікірі жарияланды. Видео мешіттің ішінде жазылған. «Қытай үшін бір-ақ уыс аз қазақпыз. Жерімізден айырылып қалмайық. Қазақстандағы қазақтың таза саны 8 млн-ның ар жақ бер жағында. Гендерный саясат деп, қайқаңдап кеткен қатындар көп. Отырып қалған қыздардың саны 300 мыңға жетіп жығылады. Бәрі кәрі қыздар, күйеуге тимей қалған. Жағдайы жоқ. Баяғыдай қос-қостап әйел алатын жағдай тағы жоқ. Сонда не болады жағдайымыз? Қазақтың демографиясын не күтіп тұр алда? Ал мына Қытай деген көршің 1,5 млрд! Оның жанындағы 8 млн қазақ олар үшін шыбын шаққанға да татымайды. Құран Кәрімде, басқа жерде не айтады? Әйелдің міндеті не, өзі? Өсіру, тәрбиелеу, адам етіп, халқының санын көбейту», – деді Шерхан Мұртаза.
