Жастар жылы Қазақстанда жұмыссыз жастардың саны 3,4 пайызға өскен. Бұл туралы Ranking сарапшылары мәлімдеді.
2019 жылы 15 пен 28 жас аралығындағы жұмыссыз жастардың саны – 84,7 мың. Бұл алдыңғы жылғы көрсеткіштен 3,4 пайызға көп. 2018 жылы олардың саны 81,9 мың болған.
Жұмыссыз қыз жігіттердің көбі Алматы мен Алматы облысында тұрады: 16,8 мың және 8,9 адам. Жұмыссыз жастар Түркестан облысы (7,3 мың адам), Шығыс-Қазақстан облысы (7,1 мың адам) және Нұр-Сұлтан (6 мың адам) қалаларында да көп болып шықты.
Жастар көбіне сауда-саттық және автожөндеу саласында қызмет етеді екен. Айталық 388,7 мың жас маман осы кәсіпте еңбек етуде. Сондай-ақ жастар мемлекеттік басқару мен қорғаныс, міндетті әлеуметтік қамсыздандыру (152 мың) мен өңдеу өнеркәсібіне де (149,6 мың) бейім. Ал жастар арасында кеңінен таралған мамандықтарға ауыл, орман және балық шаруашылығы, сондай-ақ білім саласы жатады.
2019 жылдың үшінші кварталында елде 2,1 млн 15 пен 28 жас аралығында жастар жұмыс істеген — ол алдыңғы жылдың осы кезеңімен салыстырғанда 3,8% (2 млн адам) азырақ.
2019 жылдың үшінші кварталында 15 пен 28 жас аралығындағы жұмыссыз жастар 31,4 мың адамнан асып жығылды, немесе 37,1%. Ал жоғары білімді жастардың жұмыссыздығы 6,9% артты. Аяқталмаған жоғары білімі бар жұмыссыз жас – 4,1 мың, ол – 4,8%. Жұмыссыз жастардың арасында ең көбі орта кәсіптік білімі барлар: 33,6 мың адам немесе пайыздық көрсеткіші – 39,7%. Ал баспатқы кәсіптік немесе орта жалпы білімі бар жұмыссыз жастар – 2,4% және 14,4% құрады.
Айта кетелік, 2019 жыл елімізде «Жастар жылы» деп жарияланған. Қ Рпремьер-министрінің ресми сайтының мәліметінше 2019 жастар саясаты шеңберінде 2 млн адам жұмылдырылған. Жастар жылын өткізу бойынша үкіметте жол картасы қабылданды. Оның ішінде жастарды білім, қолжетімді баспана мен қатар, жұмыспен қамту, кәсіпкерлікті қолдау, жас ортбасыларды қолдау да бар.
