Тимур Құлыбаев Forbes Kazakhstan журналының ең ықпалды қазақстандық бизнесмендер рейтингінде айтарлықтай төмендеді.

Экс-президенттің күйеу баласы 3-ші орыннан 8-ші орынға түсті. «Базис-А» құрылыс корпорациясының негізін қалаушы Александр Белович 9-шы орыннан 14-ші орынға, ал жанар-жағармай құю станциялары желілерінің иесі, өткен жылы 18-ші орында тұрған Данияр Әбілғазин рейтингте алты сатыға төмендеді.

2023 жылдың желтоқсанында Qarmet иесі атанған Андрей Лаврентьев өз орнын нығайтты. Ол 26-орыннан 9-орынға көтерілді. ERG-дің жаңа бас директоры Шухрат Ибрагимов 11-орыннан 7-ші орынға көтерілді.

«Рейтингтегі позициялардың өзгеруі әрқашан қызықты: қатысушылардың өсуі немесе төмендеуі көбінесе елдің экономикасындағы да, әлеуметтік өміріндегі де елеулі өзгерістерді көрсетеді», – деп атап өтті рейтинг құрастырушылар.

Олимпте де өзгерістер болды. Болат Өтемұратов екінші орыннан үшінші орынға өтті. Үздік бестікті жапқан Тимур Тұрлов пен Нұрлан Смағұлов сәйкесінше бесінші және жетінші қатардан жоғары көтерілді.

Рейтингтің шыңынынан KAZ Minerals басшысы Владимир Ким көрінді.