Қазақстан президенті Қасым-Жомарт Тоқаевтың қатысуымен өткен Парламент палаталарының бірлескен отырысында Дариға Назарбаева парламент сенатының төрағасы болып қайта тағайындалды.

Қасым-Жомарт Тоқаев Дариға Назарбаеваның кандидатурасын өзі  ұсынған еді. Сенаторларлардың құпия дауыс беруі нәтижесінде бұрынғы сенатор Дариға Назарбаева сенат төрайымы болып қайта сайланды.

Еске салайық, үстіміздегі жылдың наурыз айында Дариға Назарбева сенат депутаттарының шешімімен Қазақстан парламенті жоғарғы палатасының төрағасы болып сайланған. Бұған дейін 2016 жылдың 15 қыркүйегінде ол сол кездегі мемлекет басшысы Нұрсұлтан Назарбаевтің жарлығымен сенат депутаты, сонымен бірге халықаралық істер, қорғаныс және қауіпсіздік бойынша сенат комитетінің төрағасы болып тағайындалған.