«TikTok» әлеуметтік желісінде құмар ойындарын ұйымдастырғаны және өткізгені үшін кінәлілер сотталды, – деп хабарлайды Астана қаласының прокуратурасы сілтеме жасап. 

Сот үкімімен 2 астаналық азамат Қазақстан Республикасының ойын бизнесі туралы заңнамасында белгіленген орындардан тыс жерлерде құмар ойындарды ұйымдастырғаны және өткізгені үшін 4 жылға бас бостандығынан айырылды. 

– Кінәлі тұлғалар «TikTok» әлеуметтік желісінде құмар ойын ұйымдастырып, жалпы сомасы 34 млн теңгеден астам табыс тапқан.

Ойынның шартына сәйкес, тікелей эфирге қосылған азаматтар 500-ден 4000 теңгеге дейінгі мөлшердегі белгіленген соманы ұйымдастырушының есепшотына есімін және ұтыс алу үшін жеке телефон нөмірін көрсете отырып жолдайды. Бір ойын тек екі қарсыластың арасында өтеді.

Бәс жеңімпазы 3 ойын текшесін айналдыру арқылы анықталады. Ең көп ұпай жинаған ойыншы жеңімпаз атанады, – делінген прокуратура хабарламасында.