Нұр-Сұлтан қаласы Төтенше жағдайлар департаменті «Қазгидромет» РМК деректері бойынша 27 қаңтарда қар, бұрқасын күтілетінін хабарлайды.
Оңтүстік-батыстан соғатын желдің екпіні 15-20 м/с, кейбір жерлерде 23-28 м/с. Қала тұрғындары мен қонақтарының назарына:
– мұқият болыңыз, ауа райының өзгеруі туралы ақпаратты және енгізілген шектеулерді жіті қадағалаңыз;
– көшеде бағандардан, ағаштардан, жарнамалардан, ЭЖЖ және сымдардан алыс жүруге тырысыңыз;
– құрылыс объектілері халықты және аумақты қолайсыз ауа райы жағдайларының әсерінен қорғау жөнінде қосымша шаралар қабылдасын; мүмкіндігінше құрылыс объектілеріндегі құрылыс-монтаж жұмыстарының қызметін шектесін;
– автокөлігіңізді гаражға қойыңыз, гараж болмаған жағдайда ағаштардан және ескі құрылыстардан, әлсіз құрылыстардан алыс қойыңыз.
Төтенше жағдай туындаған кезде «112» нөміріне қоңырау шалыңыз.
