Қызметін асыра пайдаланып, ақша жымқырды деп айыпталған қазақстандық бұрынғы банкир Жомарт Ертаев сот отырысында өз кінәсін мойындады.

«Кінәмді толығымен мойындаймын, айыппен таныспын және келісемін», – деді Ж. Ертаев мемлекеттік айыптаушының сөзінен кейін сот тыңдауында.

Айта кетейік, 2011-2017 жылдары Жомарт Ертаев Bank RBK-дан қызметтік бабын асыра пайдаланып, басқа да тұлғалармен алдын ала сөз байласу арқылы 144 миллиард теңге жымқыруды ұйымдастырды деп айыпталып, ҚР Қылмыстық Кодексінің 28 бабы, 3 тармағы – 189 баптың  4 тармағы 2 пункті бойынша айып тағылған. Осы іске қатысты 37 адам айтыпталған болатын.  Ертаев 2018 жылы қарашада Мәскеуде ұсталдып, қамауға алынды.