Қырғызстанның Джалал-Абад қаласында журналист Санрабия Сатыбалдиеваға шабуыл жасалды. Алдын ала алынған ақпарат бойынша, белгісіз біреу оны үйінің маңында пышақтап кеткен. Бұл туралы Азаттықтың қырғыз қызметіне журналистің таныстары хабарлады.
Олардың айтуынша, журналист ауруханаға жеткізілген.
Санрабия Сатыбалдиева – YouTube-тағы MalinaTV каналында жүргізуші. Ол хабарларында әлеуметтік мәселелерді жиі көтереді.
