Ресейде кәмелет жасына толмаған балаларды рұқсат етілмеген митингілерге қатыстырғандар айыппұл төлеп я қамалуы мүмкін. Әкімшілік кодекске енгізілген бұл өзгерісті Мемлекеттік дума алғашқы оқылымда мақұлдады.
Заңды бұзғандар 30-бен 50 мың рубль көлемінде айыппұл төлеуге, немесе 100 сағатқа дейін міндетті жұмыс істеуге, немесе 15 тәулікке дейін әкімшілік қамауға алынуы мүмкін.
Заңбұзушылық екінші рет қайталанған жағдайда айыппұл — 300 мың рубльге, міндетті жұмыс уақыты – 200 сағатқа, ал әкімшілік қамау мерзімі – 30 тәулікке жетпек.
Лауазымды тұлғаларға салынатын айыппұл сомасы — 600 мың рубль, ал «заңды тұлғаларға – миллион рубль» деп белгіленген.
Заң жобасын «Единая Россия» фракциясының 69 мүшесі дайындаған.
