Астанадағы «Хан Шатыр» сауда орталығының жанындағы жерасты өткелінде домбырамен ән айтып тұрған көше әншісі мен жергілікті кофейня арасында дау шықты, деп хабарлайды Arasha.kz.
Кофейня қызметкерлерінің айтуынша, әйел олардың колонкасынан шыққан музыка өз өнеріне кедергі келтірді деп санап, аппаратураны сындырып тастаған. Әкімшілік өкілдері сондай-ақ музыкант бір қызметкердің телефонын тартып алып, оны күшпен қайтаруға тура келгенін мәлімдеді.
Ресми түрде жалға алынған орында жұмыс істейтін кофейня өз музыкасын қосуға толық құқы бар екенін айтады. Оған қатысты мүлікті бүлдіру фактісі бойынша арыз жазылғанымен, полиция әйелді босатқан. Себебі оның есепте тұрғаны белгілі болды.
Мейрамхана өкілдерінің сөзінше, бұл музыкант әжемен болған алғашқы жанжал емес. Олардың қолында әйелдің велосипед тебушілермен ұрысып, «Бұл менің территориям!» және «Мен осында ханшайыммын!» деп айтқан видеосы да бар екен.
