Адвокат Игорь Федурин кәсіпкер Александр Беловичті қорғап, кезекті арандатушылықтың құрбаны болғанын ресми түрде мәлімдеді. Оның айтуынша, қашқын кәсіпкер Лилия Аношина мен оның айналасы тарапынан сенім білдірушісіне қарсы жалған ақпарат тарату жалғасып жатыр, деп хабарлайды Arasha.kz.
Жаңа жанжалдың себебі – Аношинаның қызы, Австрия азаматы Лара Эртльдің Алматы полициясына «қоқан-лоқы алдым» деген шағымымен жүгінуі болды. Дәлел ретінде ол Беловичтің дауысына ұқсас адамның қоқан-лоқы жасағанын бейнелейтін аудиожазбаны ұсынды. Алайда адвокаттың айтуынша, бұл – нейрожелі арқылы жасалған жалғандық. Оның үстіне, аудиоға кәсіби «шумовой эффект» қосылғаны, Эртльдің өз аузымен мойындалған, фальсификацияның айқын дәлелі болып отыр.
Федурин мұндай әрекеттерді Беловичтен ақша бопсалау мақсатындағы арандатушылық деп атап өтті. Бұған дейін де Аношинаға қатысты Қазақстанда алаяқтық пен бопсалау фактілері бойынша қылмыстық істер қозғалып, ол халықаралық іздеуде жүргені белгілі.
Адвокат сонымен қатар жуырда Монакода өткен сот шешімін еске салды. Ол жерде Аношина мен қызы Эртль қарызды қайтармау үшін жалған «қарыздан бас тарту» құжатын ұсынған. Сарапшылар Беловичтің қолтаңбасы қолдан жасалғанын анықтап, сот кәсіпкердің пайдасына шешім шығарды. Енді олар ірі көлемдегі қарызды қайтаруға міндетті.
Федурин БАҚ пен қоғамды жалған аудиожазбаларға сенбеуге және тек ресми құжаттар мен сот шешімдеріне сүйенуге шақырды.
«Фейк материалдар мен инсценировкалар қысым көрсету құралына айналмауы керек», – деді ол.
