Аргентинадағы әуе шоуы қайғылы оқиғамен аяқталды. Кордоба провинциясындағы Бель-Виль қаласында жоғары пилотаждық маневр жасап жатқан қос орындық ұшақ көрермендердің көз алдында құлап түсті, деп хабарлайды Arasha.kz.
Борттағы екі ұшқыш та қаза тапты.
"Полиция мәліметінше, қаза болғандар Санта-Фе провинциясының тұрғындары. Куәгерлердің айтуынша, трюк кезінде ұшақ кенеттен биіктігін жоғалтып, ұшу-қону жолағына құлап түскен. Соққыдан кейін әуе көлігі өртеніп, экипажды құтқару мүмкін болмаған", – делінген деректе.
Қазір мамандар қайғылы оқиғаның себебін анықтап жатыр. Техникалық ақаулық не маневр жасау кезіндегі қателік нұсқалары қарастырылуда.
