21 қазанда Мәжілістің Әлеуметтік-мәдени даму комитеті «Қазақстан Республикасының кейбір заңнамалық актілеріне денсаулық сақтау мәселелері бойынша өзгерістер мен толықтырулар енгізу туралы» Қазақстан Республикасы заң жобасының таныстырылымын өткізді. Таныстырылымды Денсаулық сақтау бірінші вице-министрі Тимур Сұлтанғазиев жасады, деп хабарлайды Arasha.kz.
Заң жобасының негізгі мақсаты: Денсаулық сақтау жүйесін құқықтық реттеуді жетілдіру; Халыққа қолжетімді және сапалы медициналық көмекті қамтамасыз ету; Заңнаманы ЕАЭО нормаларымен және халықаралық стандарттармен үйлестіру.
Заң жобасының өзектілігі: Қазақстан Республикасының қолданыстағы денсаулық сақтаудың нормативтік-құқықтық базасы жаңа тәсілдерді қажет етеді; Құқықтық нормаларды өзектендіру; Жедел цифрландыру және телемедицинаның дамуы оларды реттеудің жаңа тәсілін талап етеді; Биомедициналық зерттеулер жүргізуді қосымша құқықтық реттеу қажеттілігі; Үздіксіз интеграцияланған медициналық білім беруді түрлендіру; Денсаулық сақтау инфрақұрылымын құқықтық реттеудің жеткіліксіздігі.
Бұл заң жобасы медициналық көмектің сапасын арттырады, электрондық қызметтер арқылы ыңғайлылық туындайды және инновациялық емдеу әдістеріне қол жеткіземіз деп күтіледі екен.
