Украина Батыстан әскери көмек жеткізілмесе, ұзақ уақытқа төтеп бере алмайды. Мұндай пікірді Киевте жүрген немістің Die Welt телеарнасының тілшісі Кристоф Ваннер айтты, деп хабарлайды Arasha.kz.
"Оның (АҚШ президенті Дональд Трамптың – ред.) барлық мүмкіндігі бар. Ол жай ғана украиндерге қару жеткізуді тоқтатса, болды, олар алысқа бармайды", – деді журналист.
Оның сөзінше, елдегі аса күрделі жағдайға қарамастан, Киев Ресеймен қақтығысты жалғастыруға әлі де мүдделі.
АҚШ президенті Дональд Трамп бұған дейін бірнеше рет Вашингтон Украинадағы қақтығысқа "қаржылық тұрғыдан енді қатыспайтынын" мәлімдеген еді.
