Теміртауда «Дала Қырандары» қозғалысының қатысушылары азаматтық бақылау кезінде тыйым салынған заттарды жасыруға күдікті азаматты анықтап, ұстап қалды.
Куәгерлердің айтуынша, кезекші топ күдіктінің аулада күмәнді әрекеттер жасағанын байқап, жедел әрекет еткен. Қырандар оның «қорды» қою әрекетін дер кезінде тоқтатып, құқық қорғау органдары келгенше ұстап тұрған.
Күдікті әрі қарай тергеу жүргізу үшін полицияға тапсырылды. «Дала Қырандары» өкілдері мұндай рейдтер тұрақты түрде өтіп тұрып, қалалардағы қауіпсіздікті арттыру мен есірткі таралуының алдын алуға бағытталғанын атап өтті.
