27 шілдеге қараған түні сағат 03:10-да Рысқұлов даңғылы мен Шәріпов көшесінің қиылысында Mercedes-Benz G-Class және Suzuki SX4 автокөліктері соқтығысты, деп хабарлайды Arasha.kz.
Апат салдарынан Suzuki автокөлігінің жүргізушісі мен оның бір жолаушысы оқиға орнында көз жұмды. Suzuki-дің тағы бір жолаушысы мен Mercedes жүргізушісі түрлі дене жарақаттарымен медициналық мекемеге жеткізілді.
Жол-көлік оқиғасы фактісі бойынша Алматы қалалық полиция департаментінің тергеу басқармасы қылмыстық іс қозғады. Апаттың мән-жайы анықталып жатыр.
