28 қыркүйекте Қазақстанның басым бөлігінде күзгі салқын сезіледі. Солтүстік және орталық өңірлерде ауа температурасы төмендесе, елдің батысы мен оңтүстігінде салыстырмалы түрде жылы ауа райы сақталады. Кей облыстарда жаңбыр жауып, найзағай ойнап, желдің екпіні 20 м/с-қа дейін күшеюі ықтимал, деп хабарлайды Arasha.kz.
Астанада күндіз ауа температурасы +11…+13°C шамасында болады. Түнгі уақытта топырақ бетінде үсік түсуі мүмкін. Жел жылдамдығы 9-14 м/с деңгейінде болжанады.
Алматыда күн жылырақ болады. Күндіз ауа температурасы +21…+23°C-қа дейін көтеріледі. Қонаев пен Талдықорғанда да шамамен +21…+23°C күтіледі.
Батыс өңірлерде жылы ауа райы сақталады. Ақтау мен Атырауда күндіз +23…+25°C, Оралда +17…+19°C, ал Ақтөбеде +16…+18°C болады.
Оңтүстікте де ауа температурасы жоғары болғанымен, кей жерде ауа райы бұзылады. Таразда +21…+23°C, Түркістан мен Шымкентте +20…+22°C күтіледі. Шымкентте жаңбыр жауып, найзағай ойнауы мүмкін. Желдің екпіні 15-20 м/с-қа дейін жетеді.
Қызылордада күндіз +22…+24°C болады. Мұнда да жаңбыр мен найзағай болжанып отыр. Жел 9-14 м/с жылдамдықпен соғып, кей сәтте 15-20 м/с-қа дейін күшеюі ықтимал.
Солтүстік пен орталық аймақтарда күн салқындау болады. Қарағандыда +10…+12°C, Көкшетау мен Павлодарда +12…+14°C, Петропавлда +14…+16°C, Қостанайда +15…+17°C шамасында болады.
Семейде күндіз +11…+13°C күтіледі. Жел екпіні 15-20 м/с-қа дейін күшеюі мүмкін. Өскеменде +15…+17°C, ал Жезқазғанда +17…+19°C болады.
