Үндістанның Пенджаб штатында жеңіл көлік жол жиегінде жұмыс істеп жүрген адамдарды қағып кетті. Апаттан сегіз адам көз жұмып, бірнеше адам жараланды, деп хабарлайды Arasha.kz.
Қайғылы оқиға Сангрур ауданындағы Алишер ауылы маңында болған. Жол бойындағы бұталарды тазалап жүрген 23 жұмысшы су ішуге үзіліске шыққан кезде, қатты жылдамдықпен келе жатқан көлік оларды қаққан.
Қаза тапқандардың арасында анасына дәрі әкелген 40 жастағы Дживан Сингх те бар. Ол жұмыс істеп жүрген анасына жолай соғып, қасына тоқтаған. Анасы аман қалғанымен, ауыр халде ауруханаға жеткізілген.
Полиция көлікті жүргізді деген күдіктіні ұстап, іс тіркеген. Апаттан кейін жергілікті тұрғындар мен еңбек ұйымдарының өкілдері жолды жауып, қаза тапқандардың отбасыларына өтемақы төлеуді және оқиғаны тәуелсіз тексеруді талап еткен.
