Ұлттық статистика бюросының мәліметінше, 50 мыңға жуық қазақстандық айына 45 мың теңгеден аз табыс табады. Бұл жалдамалы қызметкерлердің жалпы санының 2% – ға жуығы. Көбінесе мұндай жалақы Қарағанды және Түркістан облыстарында кездеседі,- деп хабарлайды  Arasha.kz.

30 мыңға жуық қазақстандық айына миллион теңге алады. Мұндай жалақы Атырау, Алматы және Нұр-Сұлтан тұрғындарына тиесілі.

Еңбек қабілетті тұрғындардың негізгі бөлігінің жалақысы 150-ден 210 мың теңге. Бұл жалдамалы жұмысшылардың 18%. Ел азаматтарының тағы 16% – ы 45-тен 75 мың теңгеге дейін жалақы алады.

Бюроның есебіне сәйкес, елде үш миллион ресми жалдамалы қызметкерлер бар.