Париждің апелляциялық соты Мұхтар Әблязовті ескіру мерзімінің өтуіне байланысты қылмыстық қудалауды тоқтату туралы шешім қабылдады, деп хабарлайды Agence France Presse.

2020 жылдың қазан айында Париж соты 57 жастағы Әблязовке «сенімді асыра пайдаланды және осылайша ақшаны жымқырды» деп айыптады. Француз билігі оны бостандықта, «сот бақылауында» қалдыруды ұйғарды, бұл кетпеу туралы қолхатпен бірдей, бірақ оған жарты миллион еуро кепіл төлеуге міндеттеді. Кейінірек БАҚ Әблязов ел билігінің пайдасына кепілдеме бермесе, қамауға алынуы мүмкін екенін хабарлады. Бейсенбі күні Әблязов ескіру мерзімінің өтуіне байланысты қудалауды тоқтатуға қол жеткізді.

Соған қарамастан, Agence France-Presse атап өткендей, БТА Банкінің заңгерлері кассациялық шағым түсірген, сондықтан Париж апелляциялық сотының шешімі нақты емес.

2017 жылдың маусымында Алматының қылмыстық істер жөніндегі мамандандырылған ауданаралық соты Әблязовты қылмыстық қоғамдастық құру және БТА банктен ақша жымқыруғаны үшін кінәлі деп тауып, мүлкі тәркіленіп, 20 жылға бас бостандығынан айырылды. Сот ұзақ жылдар бойы шетелде тұрып жатқан Әблязовтың қатысуынсыз өтті. Сыбайлас жемқорлыққа қарсы күрес ұлттық бюросының мәліметінше, экс-банкир келтірген шығынның жалпы сомасы 7,5 миллиард доллардан асады.